Өскемен мен ШҚО Өскеменде «ЯРКОкросс» бояу мерекесі өтеді
Спорттық марафон Өскемен қаласындағы Амтитеатр алдында 5 тамыз күні болмақ
«ЯРКОкросс» деп аталатын түстер мерекесі бұған дейін Австралия, Бразилия, Германия, Португалия, АҚШ және Чили елдерінде аталып өткен. Осыдан бір ай бұрын Семей қаласында ұйымдастырылған болатын.
Ал 5 тамыз күні Өскемен қаласында өткізілмек.
Марафон жолағымен жүгірген қатысушыларға бояу ұнтақтары шашылады. Ұйымдастырушылардың сөзіне қарағанда, қатысуға ешқандай да шектеулер жоқ. Балалар мен қарттар да қатыса алады.
- Марафонда жеңімпаз немесе жеңілген деген сөз жоқ. Стартқа келіп тұрып, мәреге дейін жүгірсең болды, - дейді ұйымдастырушылар.
Бұл - қайырымдылық шарасы. Билеттердің сатылымынан түскен табыс қаланы абаттандыруға жұмсалады.
Билеттерді www.yarkocross.kz сайтынан сатып алуға болады. Билет бағасы - 2000 теңге. Шара сағат 11.00-де басталады.