Семей тұрғыны қызын қағып кеткен жүргізушіге қатысты тергеудің созылғанына наразы

35 жасар Семей тұрғынының жасөспірім қызын мамыр айының соңында көлік қағып кетіп, айтарлықтай ауыр жарақат алған.

Әйгерім Ысқақованың айтуынша, ЖКО 27 мамыр күні Селевин көшесінде орын алған. 68 жасар көлік жүргізушісі сол кезде, тіпті, жедел жәрдем де шақырмаған.

- Жедел көмекті апат куәгерлері шақырған, - дейді Әйгерім Ысқақова. - Бұл сәтте қызыммен бірге зардап шеккен құрбысы да болған. Қызым бұл кезде ес-түссіз жатқан. Жүргізуші телефонмен сөйлесіп келе жатып оларды байқамағанын мойындаған. Ол, тіпті, кешірім де сұрамады. Ауруханада санаторийде демалып келуді ұсынды. Қызым 15 жаста ғана, бар демалысы босқа кетті. Ауруханада жатқанымызға үш аптадан асты, әлі сауықтырудан өтудеміз. Қызым қиналуда.

15 жасар Томиристің оң иығы іштей сынғандықтан, ота жасалды. Екінші қыз – Олезя көптеген жарақат алып, кейбір жерлері сынған.

- Анықталғандай ер адам Абай ауданында тұрады және «ықпалы зор» екен, - дейді әйел. - Осыған дейін бұл істі өзге тергеуші жүргізген. Ол тергеу жұмыстарына кедергі келтіргендіктен, мен оған шағым түсіріп едім, оны бірден Астанаға ауыстырып жіберді. Өзім ІІБ басшысына барып істің қозғалыссыз тұрғанын айтқаннан кейін, құжаттар сот сараптамасына шілде айында тапсырылды. Оқиға орнына жақын маңда «Адал» супермаркеті орналасқан. Бұл учаскені түсірген бейнекамера жазбаларын әлі көрсеткен жоқ.Қазір іс қайтадан созылып кетті. Жүргізуші наразылықты түсінбегендіктен барлық құжаттаманы мемлекеттік тілге аударуды талап еткен, бұл тағы бір айды алады.

15 жылды қағып кету ісін тергеп жүрген полиция қызметкері жұмыстың заң аясында жүріп жатқанын және іс материалдарының жуықта сотқа берілетінін айтады.

Алайда, 35 жасар Семей тұрғыны қызы мен оның құрбысын қағып кеткен жүргізуші қылмыстық жауапкершіліктен жалтарып кетуі мүмкін деп есептейді.