Өскемен мен ШҚО 
ШҚО су қоймаларына 3 млн тұқы шабақтары жіберілмек
Ғалымдардың кеңесі бойынша, жыл сайын су қоймаларына шабақтары жіберіліп отырылуы тиіс
Облыс басшылары балық шабақтарын өсіруге ниет білдірген Akmol Holding компаниясымен инвестиция құю жөнінде келісімге келген. Аталмыш кәсіпорын биыл облыстық табиғатты пайдалануды реттеу басқармасымен біріге отырып, ғылыми әдіспен балық уылдырығын алған.
- Күзге таман 3 млн тұқы балығы мен 1,5 млн ақ амур балығының шабақтарын алу жоспарланған. Бұл өнім облыстағы барлық балық өсіру шаруашылығын шабақтармен қамтамасыз етуге мүмкіндік береді, - дейді басқарма басшысының міндетін атқарушы Мұрат Құсайынов.
Былтыр аймақ басшысы Даниал Ахметовтың бастамасымен балық аулау лимиті енгізілді. Ол бойынша адамдар тек 5 кг шамасында ғана балық аулай алады. Ал жағалауда тұратын халық балық шаруашылығымен айналысуға мүмкіндік берген.