Өскемен мен ШҚО ШҚО мектептерінде жаңа сабақ енгізіледі
Бесінші сынып оқушыларына арналған қосымша дайындықтарға Шығыс Қазақстан облыстық прокуратурасы бастамашы болды
Жаңа оқу жылында ШҚО жалпы білім беру мектептерінің бесінші сынып оқушылары Қазақстан халықтарының дәстүрлері мен ғұрыптарын, тарихи өлкетану сабақтарын оқитын болады. Жаңа пәндер облыстың тоғыз мектебінде сынақтан өткен.
- Біздің оқытушыларға «Қазақстан халықтарының дәстүрлері мен ғұрыптары» методикалық оқу-құралын жасап шығарған жұмыс тобы құрылды, - дейді ШҚО Білім басқармасы басшысының орынбасары Сайрангүл Жұмаділова. - Тестілеу қорытындысы бойынша балалар тек жақсы нәтижелер көрсетті. Сондықтан келесі оқу жылынан бастап, факультативтік курс облыстың барлық мектептерінде пайда болады.
Сонымен қатар, биылғы 1 қыркүйектен бастап өңір мектептеріне «Тарихи өлкетану» курсы енгізіледі. Бұл пәнде оқушылар өз өлкесінің тарихымен танысады.
- Бұл жоба С. Аманжолов атындағы ШҚМУ-мен бірге жүзеге асырылады, - дейді Сайрангүл Жұмаділова. - Бұл сабақтарда оқушылар табиғат аясына шығып, облыстық тарихи ескерткіштерге баратын болады.
ШҚО Білім басқармасында жаңа білімдер балаларға жанұялық құндылықтарды, байланыс негізін түсініп, өз өлкесін жақсы танып, радикалды діни қозғалыстарға енуден сақтайтын болады.