Өскемен мен ШҚО ШҚО-да 7 мыңнан астам түлек ҰБТ тапсырды
Мектеп бітірген түлектерге 3 сағат 30 минуттың ішінде 120 сұраққа жауап беріп үлгеру керек
ШҚО-да 20 және 24 маусым аралығында мектеп түлектері ЖОО-ға түсу үшін Ұлттық бірыңғай тестілеу сынақтарын тапсыруда. Тестілеу тапсыруға өтініш бергендердің жалпы саны - 7120 адам.
Тестілеу 16 арнайы орындарда ұйымдастырылуда. Олар 3 сағат 30 минуттың ішінде 120 сұраққа жауап беруі керек . Ең жоғағы бал – 140 (бір сұрақта бірнеше дұрыс жауап болуы мүмкін).
Егер түлек жоғары оқу орнына түсу үшін шектік балды жинай алмаған жағдайда ол қайта ҰБТ тапсыруға құқылы. Оған өтініштер 1 және 8 тамыз аралығында қабылданады. Ал тестілеу 19 және 24 тамызда өтеді.
- Өзінің жинаған балымен келіспейтін түлектер ҰБТ өткен орында құрылған апелляциялық комиссияға келесі күннің 13.00-іне дейін өтініш жазуға құқылы, - деп мәлімдеді ШҚО Білім басқармасы.
