Өскемен мен ШҚО Өскеменде «Алтын белгі» иегерлері марапатталды
Өскемен қаласында 12 маусым күні «Бейбарыс» мейрамханасында қаламызыдң 123 «Алтын белгі» иегерлері мен үздік аттестат үміткерлері марапатталды
- Биылғы аттестация жоғары деңгейде өтті әрі облысымыздың 553 түлегі алтын белгі мен үздік аттестат иегерлері атанып отыр. Бұл, өте үлкен жетістік, - дейді облыс әкімінің әлеуметтік мәселелер жөніндегі орынбасары Әсел Нүсіпова.
Әкім орынбасарының сөзіне қарағанда, 140000 шығысқазақстандық мектеп оқушысы әртүрлі олимпиадалар мен байқауларға қатысқан. Оның 90 мыңы жүлдегер атанған.
251 оқушы халықаралық және республика интеллектуалдық олимпиадаларға қатысты. Олардың жартысына жуығы Ресей, Грузия, Армения, Корея, Жапония, АҚШ және өзге шетелдерде жүлде алған.
