ШҚО тергеушілер мен анықтаушылар бөлмесіне бейнекамералар қойылмақ

Криминалды полицияның тергеу бөлмелеріне бейнекамералар орнатылмақ. Бұл ішкі істер органдары қызметкерлері арасында жемқорлық әрекеттерін тиюға көмектесетін болады. - Техникалық құралдарды қолдану жемқорлыққа қарсы әрекеттің басты құралы болып табылады. Қазірде полиция қызметкерлерінің жұмыс барысы бейнекамералармен бақыланбақ. Бұған бюджеттен 118 млн теңге бөлініп отыр. Бұл сомаға 380 бейнекамералар сатылып алынбақ, - дейді ШҚО ІІД басшысының орынбасары Ерлан Жұмаділов. Ішкі істер департаментінде қазіргі уақытта 860 бейнекамера бар. Облыс әкімдігі қазірдің өзінде камераларды сатып алуға 62 млн теңге бөліп отыр екен.