Ертең «Қазақстан» жазуы орналасқан тауда тал егу шарасы өтеді

20 мамыр күні 10.00-ден 12.00-ге дейін «Халықтық орман» акциясы аясында эколог мамандар 1000 түп ағаш отырғызбақ. Мамандар кәсіпорын, ұйымдардың басшылары мен қарапайым халық бұл игі бастамаға қолдау білдіреді деген үмітте. - Біз қаламызды жасылдандыруға ниеті мен мүмкіндігі бар азаматтардың барлығын көмектесуге шақырамыз. Ағаш түптері, күрек және сумен біз қамтамасыз етеміз. Алайда өз құралын алып келе алатын мүмкіндік болса жақсы, - дейді ШҚО Табиғи ресурстар және табиғатты ұтымды пайдалану басқармасының жануарлар әлемін қорғау бөлімінің басшысы Арман Есентаев.