Өскемен мен ШҚО ШҚО-да медициналық жабдық алуға 6 млрд теңге бөлініп отыр
Облыс әкімі медицина қызметкерлерінің қандай техникаға мұқтаж болып отырғандығын қарастыра келе, оны сатып алуға қаржы бөлетіндігін айтты
Тексеріс нәтижесінде, Семей қаласының перинатальды орталығына, №1 Өскемен қалалық ауруханасына, Семей онкологиялық диспансеріне жаңа медициналық жабдықтар керектігі анықталған.
Одан бөлек, қаланың өзге де емдеу бөлімдеріне медициналық жабдықтардың керектігі белгілі болған.
Мәселен, Өскемен онкологиялық орталығына магниттік-өрістік және компьютерлік томография апараттары қажет. Аталмыш аурухананың УЗИ-аппараты 10 жыл бойы еш жаңармаған.
Аймақ басшысы нақты қандай медициналық жабдықтардың қажет екендігін анықтап алып, кейін қаражат бөлетіндігін айтты.
- Облыстық бюджеттің мүмкіндіктерін қарастыруымыз қажет. Алайда нақты қандай медициналық апараттар керек екендігін анықтауымыз қажет, - деді Даниал Ахметов.