Өскемен мен ШҚО Семейде қалалық ІІБ алдындағы тасжолға сурет салынды
«Полиция балалардың көзімен» атты суреттер байқауына 30-ға жуық бала қатысты. Аталмыш шара Қазақстан полиция қызметінің 25 жылдығы мен Балаларды қорғау күніне орайластырылған
Балалар Семей қаласындағы ішкі істер бөлімі алдындағы тас жолға «Қазақстан полициясы күнімен құттықтаймыз!» тақырыбындағы суреттермен көмкерді. Салынған суреттерде тәртіп сақшыларының өз бейнелері мен көліктері салынған.
Мекеменің баспасөз қызметі хабарлағандай, салынған барлық суреттер тақырыпқа сай әрі мағыналы шыққан. Сол себепті де қатысушылардың барлығы да жеңімпаз деп танылып, әрқайсысына сыйлықтар үлестірілді.
