Өскемен мен ШҚО Өскемен мектептерінде бітіру кеші 12 маусымда өтеді
Түлектер 12 маусым күні салтанатты түрде мектеп бітіру аттестаттарын алады
Қалалық білім беру бөлімінің хабарлауынша, Өскемен қаласының барлық мектептерінде түлектер кеші 12 маусым күні ұйымдастырылмақ. Салтанатты кештен кейін ата-аналар мен балалар мейрамханаға барып, атап өтсе болады.
- Біз барлық білім беру мекемелерінде өтетін түлектер балын, салтанатты түрде құжат тапсыру, мерекелік бағдарламаның барлығын 12 маусым күні өткізуге шешім қабылдап, бұйрық бердік, - дейді Өскемен қалалық білім беру бөлімінің басшысы Мәдениет Ахметова. - Ал мектептен тыс мерекені атап өту әркімнің өз таңдауында.
Айта кетейік, 12 маусым күні Республика сарайында «Алтын белгі» иегерлерін марапаттау салтанаты өтеді.
