Өскемен мен ШҚО Даңқ мемориалы аумағы Жеңіс саябағы деп аталмақ
Мемориалды кешенге жаңа атау беру туралы тапсырманы Шығыс Қазақстан өңірінің әкімі Даниал Ахметов берген
Стрелкадағы Даңқ мемориалы аумағын көріктендіру бойынша жұмыстар әлі жалғасуда. Шенеуніктер мердігерлерге қайта жаңарту жұмыстарын қабылдау кезінде анықталған барлық кемшіліктерді он күн ішінде түзеуге міндеттеді. Себебі қыс мезгілінде кей жерлердегі тас төсеуіштер опырылып, қирап қалған.
Өскеменге үйреншікті мемориалды кешен жаңартудан кейін жаңа атауға ие болады. Облыс басшысы Даниал Ахметов кешенді Жеңіс саябағы деп атауға тапсырып, Өскемен қаласы әкімінің міндетін атқарушы Арман Искаковқа тиісті тапсырма берді.
