Өскемен маса мен шіркейден тазартылады

Естеріңізге саламыз, өткен жазда облыс орталығындағы жағалауда  шыбын-шіркейлер тұрғындардың мазаларын алған болатын. Бұл жылы мәселенің шешімі табылатын сыңайлы.

  - Шіркейлерді арнайы құралдармен жоятын боламыз, - дейді Өскемен қалалық ТҮКШ, жолаушылар көлігі және автомобиль жолдары бөлімі басшысы Асқар Жақсылықов. - Мұнымен мамандар айналысады. Қазір бірнеше компания қатысып жүрген байқау өтуде. Жеңгендері шыбын-шіркейдің көзін құртумен айналысады. Жұмыс су қоймалары жақын орналасқан өңірлерде жүргізіледі. Маусым айы басталғанға дейін өңірлерде 4 улау жұмыстарын жүргіземіз, бірақ шіркейлерді құрту жұмысы жазда да жалғаса бермек.

Айта кету керек, облыс орталығында көлемі 200 гектарға татитын алаңда улау жұмыстары жүреді.