ШҚО-ға денсаулық пойызы келеді

«Саламатты Қазақстан» атты тұрғындардың денсаулығын тексеруші пойыз жақын уақытта облысымызға келмек. Пойыздың алғашқы бекеті Аягөз ауданындағы Таңсық бекеті болмақ. Бұл жерде дәрігерлер 22 мамыр күні аялдамақ. Ал келесі күні Үшбиік бекетіне аттанбақ. 22-24 мамыр күндері Жарма бекетінде болады. 26-27 күндері Жаңғыз-Төбеде, 28-30 мамыр күндері Шар бекетінде дәрігерлік тексеріс ұйымдастырмақ.

Медициналық бригадада терапевт, педиатр, невропатолог, окулист, ЛОР, хирург, уролог, маммолог, стоматолог және гинеколог дәрігерлері болады.

Дәрігерлердің жұмыс уақыты таңғы 9.00-ден 18.00-ге дейін. Ал үзіліс уақыты 13.00-14.00 аралығы. Барлық қызметтер тегін. Айта кету керек, облыс орталығына денсаулық пойызы аялдамайды.