Өскеменде 4 күн ішінде бес өрт оқиғасы орын алған

Оқиға 21 және 24 сәуір аралығында орын алған. Өткен жұмада Славский жағалауындағы бесқабатты үйдің үшінші қабатында қылтима өртенді. Өртсөндірушілер 17 тұрғынды, оның ішінде 1 баланы алып шықты.

Өртке себеп бюолған жағдай төменгі қабаттағы қылтимада өрт қауіпсіздігі сақталмаған дәнекерле жұмысы жүргендіктен, - дейді Өскемен қалалық ТЖБ баспасөз қызметі.

Сенбі күні Согра кентінде жылыту пешін қолдану барысында өрт қауіпсіздігінің сақталмауынан жер үйдің шатырынан өрт шыққан. Өртсөндірушілер тілсіз жауды сөндірген. Зардап шеккендер жоқ. Ал жексенбі күні орталық базар төңірегінде перде сататын дүңгіршек өртенген. ШҚО ТЖД мамандары өртті он минут ішінде сөндірген. Өрт себептері бойынша, электрқұрылғыларының апаттық режимі деген нұсқа қаралуда.

Дәл сол күні М. Горький көшесінде орналасқан банктің үшінші қабатында техникалар, кеңсе тауарлары мен жиһаз жанған. Қалалық ТЖБ ақпаратынша, өрт себебі электрқұрылғысына байланысты қайталанған.

Дәл бүгін таңғы 6 шамасында Тәуелсіздік даңғылы бойындағы жер үйде өрт шыққан. Оның себептері анықталуда.