ШҚО жол-патрульдік полициясы жңа жазғы киім үлгісіне көшеді

Жол патрульдік полициясы әдеттегі фуражканың орнына енді жазғы бейсболка, көйлек орнына футболка мен жеңіл күрте киетін болады.

Айта кету керек, жеңіл күртенің екі түрі жасалған – бірі ұзын жеңді болса, екіншісі қысқа болады. Шалбарлары да біраз өзгеріске ұшыраған.

Барлық киім үлгісі көк түсті жеңіл матадан тұрады, - дейді ШҚО ІІД баспасөз-қызметінің басшысы Бақытжан Торғаев. - желетке мен жарық шағыстыратын қолғаптар әлі түскен жоқ.

Қыс кезінде ҚР ІІМ ұсынған тәртіп сақшыларының жаңа киім үлгісін қазақстандықтар мазаққа айналдырып, «Темір адам» комиксіндегі супербатырдың темір-қалқанына ұқсата бастаған.

Тәртіп сақшыларының жаңа киім үлгісі олардың беделін асыра ме жоқ па уақыт көрсетеді. Қалай болғанда да, адамды киіміне қарап қарсы алады деген сөз бар емес пе.