Өскемен мен ШҚО «Айыппұл төле» науқаны басталды
Ұлан ауданының аумағында ағымдағы жылдың 22-28 ақпаны аралығында «Айыппұл төле» науқаны өткізілуде
Әкімшілік құқық бұзушылық бойынша шығарылған қаулыны уақытында орындау, сонымен қатар азаматтарға қолданыстағы әкімшілік заңнама талаптарын түсіндіру мақсатында, Ұлан ауданының аумағында ағымдағы жылдың 22-28 ақпаны аралығында «Айыппұл төле» науқаны өткізілуде.
Әкімшілік жауапкершілікке тартылған көлік жүргізушілердің тізімі құрылып, оларды арнайы тұраққа орналастыру бойынша жұмыстар ұйымдастырылды.
Ерікті түрде орындалмаған қаулыларды құқық бұзушылардың жұмыс орны, сонымен қатар аумақтық жеке сот орындаушылар палатасы арқылы жеке сот орындаушыларға жолданды.
Уақытында әкімшілік айыппұл салу туралы қаулыны орындамаған тұлғалар Қазақстан Республикасының Әкімшілік құқық бұзушылық туралы кодексінің 669-бабына сәйкес (Сот үкiмiн, сот шешiмiн немесе өзге де сот актiсiн және атқарушылық құжатты орындамау) әкімшілік жауапкершілікке тартылады.
Науқан шеңберінде Ұлан ауданының прокуратурасының өкілі және сот орындаушының қатысуымен рейдтік іс-шаралар мен түсіндіру жұмыстары өткізілді.
