Мектеп формасын кимегендерге айыппұл салынады

Оқушы мектеп формасын кимегені үшін оның ата-анасы 10 АЕК (22 690 теңге) көлемінде айыппұл төлеуге міндетті. Өскемен қаласынің білім бөлімі мәлімдегендей міндетті мектеп формасын кию туралы талапты ҚР Білім және ғылым министрлігі өткен жылдың қаңтар айында бекіткен болатын. Алайда ата-аналар бұл талаппен әлі күнге дейін келіспей келеді. - Әр адам сөз, іс-әрекет бостандығына құқылы. Әсіресе не киіп жүретіндігін әр кім өзі біледі, - деп жазды ата-аналар «ВКонтакте» әлеуметтік желісінде. – Мектеп сынды оқу мекемелері оқушыны мектеп формасын кимегені үшін оқудан шеттете алмайды. Білім бөлімі мамандары мектеп формасын киіп жүру балаларда әлеуметтік, таптық және өзге де айырмашылықтарды болдырмау үшін қажет. Оның үстіне айыппұл салмай тұрып, мектеп әкімшілігі ата-аналарға жағдайды түзеу үшін ескерту жасайды. - Бізде үнемі түсіндіру жұмыстары жүргізіліп отырады. Оқушылар мен ата-аналарға бұл әрекет заңды екенін түсіндіреміз. Әзірге шектен шығып, айыппұл төлеуге дейін барған жағдайлар болған жоқ, - дейді №37 мектеп директоры Инна Грачева. Егер ата-аналар да, балалар да тәртіпке бағынбайтын болса, бірнеше ескерту де ескерілмесе, мектеп тәртіптік комиссия құруға мәжбүр. Ал бұл үшін айыппұлды ШҚО бойынша Білім саласын бақылау департаментінің басшысы салады.