Өскемен мен ШҚО Жеделсатыда қамалып қалғандар құтқарылды
Облыс орталығындағы үйлердің бірінде қысқа тұйықталудың нәтижесінде көтеруші құрылғы істен шығып, ТЖ орын алған
Фото:
В. Иванов / Устинка Live
Жеделсатының қозғалтқыш бөлігіндегі ақаудан өрт шықпады. Дегенмен оның ішінде қалған екі әйел адам улы иіспен тыныстап қалды.
Оқиға орнына жедел жеткен ШҚО ТЖД «Өрт сөндіру және апаттық-құтқару қызметі» бөлімінің құтқарушы-өрт сөндірушілері оларды алып шықты.
- Бір сәтті де бос жібермей әрекет еттік, - дейді мамандандырылған өрт сөндіру қызметінің аға инженері Ерік Тоқтарханов. – Арнайы құралдардың көмегімен жеделсаты есігін ашып, ішінде қалған адамдарды тезірек алып шықтық.
Алғашқы медициналық көмек алған азаматшалар әрі қарай ауруханаға барудан бас тартқан.