Өскемен мен ШҚО Тәуелсіздік күні Семейде жаңа хоспис ашылады
Медициналық мекеме жазылмайтын және ауыр науқасқа шалдыққан жандарға қызмет көрсететін болады
Хосписте ем қабылдау тегін жүргізіледі, деп хабарлайды Устинка LIVE тілшісі.
Жаңа ғимарат ирландық «Больше, чем Чернобыль» қайырымдылық қорының және жергілікті бюджет қаржысына салынған. 30 орынға есептелген ғимарат тамыз айында салынып қойған. Қазіргі таңда хосписты ШҚО Денсаулық сақтау басқармасы балансына өткізу үрдісі жүрып жатыр. осыға байланысты ғимараттың ашылуы сәл кешеуілдейді.
- Хоспис мемлекеттік коммуналдық қазыналық кәсіпорын болады, - деп мәлімдеді ШҚО Денсаулық сақтау басқармасы. – Ашылуын 16 желтоқсанға жоспарлап отырмыз. Ал бірінші емделушілерін 2017 жылдың 1 қаңтарынан бастайтын боламыз. Ғимарат ішіндегі мүлік, штат және дәрілерге қаржы бөлу сұрағы әлі қаралып жатыр.
Жалпы облыста пациенттерге паллиативті көмек көрсететін 190 хоспис жұмыс жасап жатыр.