Өскемен мен ШҚО Өскемен әуежайы кей рейстердің уақытын өзгертті
Өскемен қаласындағы әуежайда жаңа кесте бойынша ұшу 10 қазаннан бастап жүргізілуде
Барлық бағыттар жаңа кесте уақыты бойынша ұшатын болды. Мәселен, Зайсанға ұшатын ұшақ облыс орталығынан дүйсенбі және бейсенбі күндері 14.55-те көтеріледі. Ал Өскемен-Семей-Үржар бағытындағы ұшақ сейсенбі мен жұма күндері сағат 9.00-де шығады.
Өскемен әуежайындағы ұшу кестесіндегі өзгерістері туралы 77-84-84 анықтама нөмірі арқылы білуге болады.
Айта кетейік Өскемен теміржол вокзалы өз кестесін қысқы кестеге өзгерткен жоқ. Пойыздар бұрынғы кесте уақыттары бойынша жүріп жатыр. Қосымша ақпараттарды 105 нөмірі арқылы білуге болады.