Өскемен мен ШҚО Өскеменде жүргізушілер үшін арнайы ХҚО 2017 жылы ашылады
Облыстың бас құрылысшысының сөзіне сүйенсек, жоба құны миллиард теңгеден асады
Естеріңізге сала кетейік, Қазақстанда арнайы халыққа қызмет көрсету орталықтары 2012 жылдан бастап жұмыс істеп келеді. Автосүйгіштерге жүргізу куәлігін алып, көліктерін бір терезе қағидаты негізінде рәсімдеуге болатын арнайы мекемелер полиция қызметкерлерінің жұмысын едәуір жеңілдете түскен. Арнай ХҚО-лар Астана, Алматы, Қарағанды, Павлодар сынды елдің 11 қаласында ашылған. Ал Өскемен қаласының автожүргізушілері осындай жаңашылдық ШҚО орталығын айналып өткеніне налыған болатын.
Алайда билік жергілікті арнайы ХҚО құрылысын 2014 жылы қолға алып, биыл ашуға уәде еткен. Алайда қаржының жетіспеушілігі жоспарды жүзеге асыруға кедергі келтірген.
Енді сол ғимараттың құрылысы үшін қаржы бөлініп, құрылыс жұмыстары қайта жандана бастағаны мәлім болды. Демек, 2017 жылы жаңа арнайы ХҚО пайдалануға беріледі деп жоспарлануда.
- Ғимарат Самар шоссесі бойында, Күлен атындағы кент жолында орналаспақ, - дейді ШҚО Құрылыс басқармасының басшысы Мәди Отарбаев. - Аумақ ауданы 3,5 га, ал арнайы ХҚО сыйымдылығы 200 адам. Биыл іргетасы қаланады да, 2017 жылы барлық жұмыстар аяқталады.
