Өскемен мен ШҚО Өрт қауіпсіздігін сақтамағаны үшін жазаланды
Шығыс Қазақстан облысындағы ауылшаруашылығына пайдаланылатын жерде жүргізілген профилактикалық рейд барысында өрт сөндірушілер тәртіп бұзушыларды анықтады
Тәртіп бұзған азаматтар Көкпекті ауылдық округінің азаматтары болып шыққан. Олар ірі жемді қажетті өрт қауіпсіздік ережелерін сақтамай тасымалдаған. Өйткені жем тасымалдаған трактордың ішінде өрт сөндіру құралы болмай шыққан. Әр азамат ҚР ҚК 589-бап 1-бөлімі бойынша әкімшілік жауапқа тартылып, 10 мың теңге көлемінде айыппұл салынды.
Айта кетейік, шөп жинау және өнімдерді жинау маусымында ШҚО ТЖД мен жергілікті полиция қызметкерлері облыс бойынша барлығы 50-ге жуық рейд жүргізген. Шаруа қожалықтарының иелері мен жұмысшылары түгелдей қауіпсіздік ережелерін сақтау нұсқаулығымен танысты.