Өскемен мен ШҚО Өскеменде Даун науқасы сегізінші күн іздестірілуде
Ресми қызметкерлермен бірге еріктілер тобы да жас жігітті іздестіруде. Жігіт тұратын ауан тұрғындары да барынша атсалысуда
ШҚО ІІД хабарлағандай, жігіттің қайда кеткендігі туралы ешқандай да мәлімет жоқ.
- Іздеу жұмыстары әлі жүргізіліп жатыр. ол жігіттің қаладан шығып кетуі де мүмкін. Сол себепті облыс бойынша әріптестеріміз де жұмылдырылған. Жоғалған адам табылмайынша іздеу жұмыстары тоқтатылмайтын болады, - деп мәлімдеді ШҚО ІІД баспасөз қызметі.
Айта кетейік, жас жігіт 10 шілде күні «Арзан» толайым маркетінің маңында жоғалып кеткен. ол ата-анасына қоңырау шалып, адамдар мен аялдамасы жоқ жерде адасып жүргендігін айтқан. Ал келесі қоңырауға балалары емес, бөгде азамат жауап бергенде ата-анасы үрейлене бастаған. Кейін телефонды тіпті сөндіріп тастаған көрінеді.
Жоғалған жігіттің үстінде көк иықбаулы ақ майка, ақ кепка мен қара-қызыл шолақ шалбар болған.
Егер осыған қатысты қандай да бір мәлімет білетіндер болса, 102 немесе 8 705 318 01 82, 8 705 502 71 16 телефон нөмірлеріне қоңырау шалуларын өтінеді. Ал еріктілермен ұялы телефонға «Zello» бағдарламасын жүктеп, «Поиски Усть-Каменогорск» арнасы арқылы байланысуға болады.
