Өскемен мен ШҚО 26 қазақстандық жарылыс кезінде Ыстамбұл әуежайында болған
Ыстамбұл әуежайында болған лаңкестік әрекет кезінде қазақстандық 26 оқиға орнында болған. Алайда олардың ешқайсысы зардап шеккен жоқ
Ыстамбұл арқылы Болгарияға бара жатқан отандастарымыз біздің елшіліктің көмгімен қонақүйлерге жайғастырылды. Бүгін олардың сапарларының жалғасуы туралы сұрақ талқыланатын болады, - деп хабарлады ҚР СІМ баспасөз қызметінің басшысы Ануар Жайнақов.
Сонымен қатар, ол алдын ала болжам бойынша қаза болғандардың арасында қазақстандықтардың жоқтығын атап өтті.
- Қазіргі таңға дейін Ыстамбұлдағы Қазақстанның бас елшілігі өкілдері мерт болғандар мен зардап шеккендердң арасында жерлестеріміздің бар-жоғын анықтау үстінде, - деді Ануар Жайнақов.
Еске сала кетейік, 28 маусым күні кешкісін Ыстамбұл қаласындағы Ататүрік әуежайында 3 жойқын жарылыс болып, 36 адам көз жұмды.
