Өскемен мен ШҚО Өскеменде тұманға байланысты әуе рейстері кешігуде
Облыс орталығын бірнеше күн бойы қалың тұман басып тұр
Кеше тіпті екі ұшақ Өскеменге қона алмай, кері қайтуға мәжбүр болған, деп хабарлайды Устинка LIVE тілшісі ШҚО әкімдігі ақпаратына сүйеніп.
30 наурыз 17.20 бен 31 наурыз 11.30 аралығында қалың тұманнан әуе жолы көрінбей, екі авиарейс:
- Астана-Өскемен бағыты бойынша FlyArystan авиакомпаниясының FS7371 авиарейсі;
- Алматы-Өскемен бағыты бойынша SCAT авиакомпаниясының DV725 авиарейсі қона алмады.
"Өскемен әуежайы" АҚ бүгін де қолайсыз ауа райына байланысты, соның ішінде қалың тұман түсіп, көріну деңгейінің төмендеуіне орай, авиарейстердің кешігіп жатқанын хабарлады.
Рейстерді орындау туралы шешімді авиакомпаниялар ұшу қауіпсіздігі талаптары мен нақты метеорологиялық жағдайды ескере отырып қабылдайды, - деп мәлімдеді "Өскемен әуежайы" АҚ. - Жолаушыларды рейстердің мәртебесін алдын ала анықтау, әуежайдың ресми сайтындағы (https://airport-uk.kz/) жаңартуларды қадағалау, сондай-ақ 8 (7232) 77-84-84 телефоны арқылы анықтама қызметіне хабарласуды сұраймыз.
Нақты ауа райы жағдайлары туралы ақпаратты "Қазаэронавигация" ШЖҚ РМК метеорологиялық қызметі ұсынады, оның негізінде авиакомпаниялар тиісті шешімдер қабылдай.