Өскемен мен ШҚО Шығыста ауа райы +17°С-қа дейін жылынады
Еліміздің басым бөлігінде ауқымды антициклонның әсерінен жауын-шашынсыз ауа райы сақталады
Синоптиктердің болжауынша, республиканың батысында жаңбыр жауып, кей жерлерде найзағай ойнауы мүмкін, деп хабарлайды Устинка LIVE тілшісі.
"Қазгидрометтің" ақпаратына сүйенсек, 28 наурызда Маңғыстау облысында қатты жаңбыр күтіледі. Сондай-ақ, 26 наурызда Солтүстік Қазақстан облысында, 27–28 наурызда Шығыс Қазақстан облысында жауын-шашын (жаңбыр, қар) болжанады. Республика бойынша тұман түсіп, солтүстік пен шығыста көктайғақ құбылыстары сақталады.
Күндіз ауа температурасы батыс және солтүстік-батыс өңірлерде +15…+25°С-қа дейін, солтүстік пен шығыста +10…+17°С-қа дейін, орталықта +13…+24°С-қа дейін, оңтүстікте +21…+30°С-қа дейін, оңтүстік-шығыста +18…+27°С-қа дейін, ал таулы аймақтарда +10…+15°С-қа дейін көтеріледі, - деп болжайды синоптиктер.