Өскемен мен ШҚО Өскемендегі қоғамдық көліктер бір күн халықты тегін тасымалдайды
Жаңа Конституцияны қабылдау жөніндегі республикалық референдумға орай облыс орталығындағы қоғамдық көліктер халықтан жол ақысын алмайды
Бұл туралы Өскемен қалалық әкімдігінің баспасөз қызметі мәлімдеді, деп хабарлайды Устинка LIVE тілшісі.
15 наурыз - республикалық референдум күні қала тұрғындары үшін барлық қоғамдық көлік тегін болады. Бұл бастаманы тасымалдаушылардың өздері ұсынған. Олар алда тұрған саяси оқиғаның маңыздылығын ескере отырып, сондай-ақ ел Президенті жүргізіп отырған реформаларды қолдау мақсатында осындай шешім қабылдаған, - деп мәлімдеді әкімдіктегілер.
Тасымалдаушылар шара азаматтық жауапкершіліктің символына айналып, бұл күні сайлау учаскелеріне келіп, азаматтық ұстанымын білдіретін шығысқазақстандықтар үшін үлгі болатынына сенім білдірді.