Өскемен мен ШҚО ШҚО-да көктемгі су тасқыны кезеңіне дайындық жүріп жатыр
ШҚО-дағы қар көшкіні және су тасқыны қаупі бар учаскелерге мамандар әуеден визуалды барлау жүргізді
Қар көшкіні және гидрологиялық ахуал тұрақты, қар көшкіні қаупі тіркелмеген, гидротехникалық нысандар қалыпты режимде жұмыс істеп тұр, деп хабарлайды Устинка LIVE тілшісі.
ҚР ТЖД нліміздің барлық өңірінде су қоймаларын кешенді тексеру, қардың қалыңдығына мониторинг жасау және гидротехникалық нысандардың жай-күйін тексеру арқылы ықтимал су басулардың алдын алу жұмыстары жүргізіліп жатқанын мәлімдеді.
Шығыс Қазақстан облысында "Семей – Алтай ауданы – Үлкен Нарын ауданы – Қатонқарағай ауданы – Семей" маршрутымен қар көшкіні және су тасқыны қаупі бар учаскелерге комиссиялық әуеден визуалды барлау жүргізілді. Бұқтырма өзені мұз астында, аздаған еріген жерлер мен ойпаттар бар. Сонымен қатар, "Өскемен – Тайынты өзені (Ұлан ауданы) – Лайлы өзені (Самар ауданы) – Өскемен" маршрутымен жағдай тексерілді, - делінген ҚР ТЖМ ақпаратында. - Лайлы, Ешкібай және Төменгі Тайынты су қоймаларының бөгеттерін тұтас мұз жабыны басқан. Тексерілген аумақты толықтай қар басқан. Қар көшкіні және гидрологиялық ахуал тұрақты, қар көшкіні қаупі тіркелмеген, гидротехникалық нысандар қалыпты режимде жұмыс істеп тұр.