Өскемен мен ШҚО ШҚО-да "Жүректен жүрекке" қайырымдылық акциясы басталды
Өңірдің жомарт жандары аз қамтылған отбасындағы балаларға материалдық көмек көрсете алады
Дәстүрлі акция 1 наурыздан 31 мамырға дейін жалғасады, деп хабарлайды Устинка LIVE тілшісі.
1-ші наурыз - Алғыс айту күнінде жыл сайын өткізіліп отыратын "Жүректен жүрекке" қайырымдылық акциясы өз жұмысын бастайды. Акция ағымдағы жылдың 31-ші мамырына дейін жалғасын табады, - деп хабарлады ШҚО білім басқармасы. - Акцияның мақсаты – әрбір азаматты қайырымдылық ісіне тарту және оның жүзеге асуына олардың ортақтасуы, балалар мен жасөспірімдердің тілектерін орындауға көмектесу үшін ортақ күш салуды біріктіру болып табылады.
Акцияға аз қамтылған отбасылардың мұқтаждықтары мен өтініштеріне бейжай қарамайтын, балаларға қол ұшын бергісі келетін кез келген адам қатыса алады.
"Жүректен жүрекке" акциясының шеңберінде киім-кешек, аяқ киім, кітаптар, балалар ой-өрісін дамытатын ойындар, спорттық құралдар, шығармашылық дамуына қатысты басқа да бұйымдар сияқты аса қажетті заттарды сатып алуға байланысты өтініштер ғана қарастырылады, - деп мәлімдеді ШҚО білім басқармасы. - Акция бастау алғалы 10 жыл ішінде 24 822 тілек орындалды. Тілектердің барлығы облыстың коммерциялық және басқа да ұйымдардың, жеке тұрғындардың белсенді демеушілік көмегі арқылы жүзеге асты.