Өскемен мен ШҚО ШҚО-да алдағы күндері 32–40 градусқа дейін аяз күтіледі
Ел аумағының басым бөлігіне солтүстік-батыстан келген суық антициклон әсер етеді
Соның салдарынан жауын-шашын тоқтап, арктикалық суық ауа массаларының келуімен ауа температурасы төмендейді, деп хабарлайды Устинка LIVE тілшісі.
Түнгі уақытта батыс облыстарда ауа температурасы 15–25 градус аяз болады. Солтүстік және орталық өңірлерде 28–37 градусқа дейін төмендейді, шығыста 32–40 градус аяз күтіледі. Ал оңтүстік облыстарда ауа температурасы 0–10 градус аяз шамасында болады, - деп мәлімдеді "Қазгидромет".
24 ақпанда Өскеменде ауа температурасы түнде 21-23 аязға дейін күрт төмендейді.
Облыстың солтүстігінде, шығысында, оңтүстігінде қар жауып, бұрқасын соғады. Облыстың оңтүстігінде тұман күтіледі. Жел батыстан, солтүстік-батыстан соғады, түнде және таңертең облыстың солтүстігінде, шығысында, оңтүстігінде 15-20, екпіні 25 м/с.