ШҚО-да республикалық жолдарда жүк көліктерінің жүруіне тыйым салынды

Ауа райының қолайсыздығына байланысты бұл жолда жүк көліктерінің қатынауына уақытша шектеу қойылған, деп хабарлайды Устинка LIVE тілшісі.

13 қаңтар сағат 09:00-дегі жағдай бойынша ауа райының бұзылуына байланысты облыстағы екі республикалық маңызы бар автомобиль жолында жүк және қоғамдық көлік қозғалысына шектеу қойылған:

• "Өскемен – Риддер – РФ шекарасы" автожолының 15-105 шақырымы аралығы (Белоусовка ауылынан Риддер қаласына дейін);
• "Алматы – Талдықорған – Өскемен – Шемонаиха – РФ шекарасы" автожолының 1104-1212 шақырым аралығы (Глубокое ауылы бұрылысынан РФ шекарасына дейін).

"Қазавтожол" ақпараты бойынша қазіргі таңда республикалық жолдарды күтіп-ұстауға 875 бірлік арнайы техника жұмылдырылды.