Өскемен мен ШҚО ШҚО полициясы қарызын төлеуден жалтарып жүрген елу адамды іздеп тапқан
Мәселен, жақында 2,5 миллион теңге берешегі бар азамат қолға түсті
Ол сот шешімін ескермей жүре берген, деп хабарлайды Устинка LIVE тілшісі.
ШҚО полицейлері миллионнан аса қарызы бар 55 жастағы өскемендікті анықтады
Өскемен қалалық Полиция басқармасы көші-қон қызметі сот шешімдері мен қаржылық міндеттемелерін ескермейтін азаматтарды іздестіру бойынша нәтижелі жұмысты жалғастыруда.
Тәртіп сақшыларының назарына 55 жастағы қала тұрғыны іліккен. Ер адам 2025 жылдың маусым айынан бастап Өскеменнің басқа бір тұрғынының пайдасына шешілген ірі көлемдегі қарызды төлеуден жалтарған. Шағым сомасы қомақты - 2,5 миллион теңгені құрады, - деп хабарлады ШҚО ПД баспасөз қызметі. - Борышкердің көзге түспеуге тырысқанына қарамастан, жедел іс-шаралар барысында көші-қон қызметінің мамандары оның нақты жүрген жерін анықтады. Енді барлық соманы мәжбүрлі түрде өндіріп алу үшін іске сот орындаушылары кіріседі.
Жыл басынан бері ШҚО Полиция департаменті осындай 50-ден астам төлем жасамай жүрген тұлғаны іздеп тапты.
ШҚО ПД Көші-қон қызметі ескертеді: борыштық міндеттемелерден жасырыну әрекеттері жағдайды қиындата түседі. Сот актілерін орындамағаны үшін ҚР заңнамасында әкімшілік жауапкершілік қана емес, сонымен қатар нақты мәжбүрлеу шаралары да қарастырылған.
