Өскемен мен ШҚО Өскемендіктер мен қала қонақтары әскери әуендермен рухтанды
Бауыржан Момышұлының 115 жылдығына орай облыс орталығындағы сауда орындарында әскери оркестр өнер көрсетті
"АДК" және Maxi Mall сауда орталықтарында әскери әуендер шырқалды, деп хабарлайды Устинка LIVE тілшісі.
Шығыс Қазақстан облысы Қорғаныс істері департаменті Бауыржан Момышұлының ерлік жолын насихаттау, жас ұрпақтың бойында отансүйгіштік пен патриоттық рухты қалыптастыру мақсатында арнайы шара ұйымдастырды.
Ұлттық ұланның "Шығыс" өңірлік қолбасшылығына қарасты №5518 әскери бөлімінің оркестрі, Қорғаныс істері департаментінің өнерпаздары, қалалық №24 орта мектебі "Жас сарбаздар" қозғалысының шәкірттері өнер көрсетті. Әскери әуендер мен патриоттық композициялар тұрғындардың ерекше ықыласына бөленіп, көпшілікке көтеріңкі рух сыйлады.
Бауыржан Момышұлы – ерлік пен отансүйгіштіктің символы. Осындай іс-шаралар арқылы біз жас ұрпақтың бойына патриоттық рухты сіңіріп, елге қызмет етудің маңызын жеткізуді мақсат етеміз. Әскери әуендер халықты біріктіріп, ұлттық рухты күшейтеді, - деп атап өтті Қорғаныс істері жөніндегі департаменттің өкілі Әсет Адамбаев.
