Өскемен мен ШҚО ШҚО-да елдегі алғашқы әлеуметтік диалог орталығы ашылды
Бұл орталық жұмысшылар мен жұмыс берушілердің, жергілікті атқарушы органдардың және кәсіподақ ұйымдарының арасындағы келісім алаңына айналмақ
Өскемендегі тұңғыш әлеуметтік диалог орталығының салтанатты ашылуына ҚР Еңбек және халықты әлеуметтік қорғау бірінші вице-министрі Асқарбек Ертаев қатысты, деп хабарлайды Устинка LIVE сайты.
Шығыс Қазақстан аумағында 15 мыңға жуық кәсіпорын бар. Онда 191 мыңнан астам адам жұмыс істейді. Сондықтан біз әріптестік қарым-қатынасты нығайтуға, еңбек қауіпсіздігін қамтамасыз етуге және жұмысшыларға жайлы жағдай жасалуына ерекше мән береміз. Осы орталықта түрлі тақырыптар талқыланып, өзекті мәселелер өз шешімін табатын болады. Бұл әлеуметтік тұрақтылықты қамтамасыз етудегі маңызды қадам, - деді ШҚО әкімі Нұрымбет Сақтағанов.
Әлеуметтік диалог орталығына Тамара Рахымжанова жетекшілік етеді. Бұған дейін ол ШҚО "Жұмыс берушілер қауымдастығы" жеке кәсіпкерлер мен заңды тұлғалар бірлестігі төрағасының орынбасары болған.