Өскемен мен ШҚО ШҚО ТЖД-ға заманауи жаңа катер табысталды
ШҚО құтқарушыларын арнайы техникамен қамту жұмыстары жалғасып жатыр
Облыс әкімдігі құтқарушыларға заманауи жаңа катер алып берді, деп хабарлайды Устинка LIVE тілшісі.
Ел бойынша су ресурстарының 40 пайызы Шығыс Қазақстан облысында орналасқан. VОYAGER 850 катері өзен-көлдерді патрульдеуге және судағы құтқару жұмыстарын жүргізуге арналған. Мамандардың айтуынша, техникалық парктың жаңаруы құтқарушылардың жүгін жеңілдетеді.
Сонымен қатар, облыс әкімдігі ТЖМ-ның іздестіру-құтқару жұмыстарын жүргізетін екі әуе кемесіне арналған ангардың құрылысын бастады.
Осындай база Шығыс Қазақстанның табиғи ерекшеліктерін, су тасқыны мен өрт қаупі жоғары маусымдардың күрделілігін ескергенде аса қажет. Жаңа ангар техниканың жыл бойы дайын болуын қамтамасыз етіп, құтқару операцияларының қауіпсіздігін арттырады, – деді аймақ басшысы Нұрымбет Сақтағанов.