Өскемен мен ШҚО Өскеменді жаңажылдық безендіруге бюджеттен қанша қаражат жұмсалмақ?
Биыл жергілікті билік қаладағы қоғамдық орындарды безендіруге 71 миллион 400 мың теңгеден астам қаражат жұмсауға дайын
Бұл сома мемлекеттік сатып алулар жөніндегі сайттан алынды. Қызметке тапсырыс берущі - қалалық тұрғын үй-коммуналдық шаруашылық, жолаушылар көлігі және автомобиль жолдары бөлімі, деп хабарлайды Устинка LIVE тілшісі.
Жалпы сомасы 71 428 571 теңге болатын жұмыстарға шыршаны құру, бекіту және қайта бұзу, дәлірек айтқанда оның қаңқасы мен барлық қажетті электр жабдықтары, гирляндалары мен ойыншықтарын ілу, сондай-ақ қоршауларын дайындап, сырлап, орнату, ағаштарды неонмен безендіру кіреді
Сондай-ақ Республика алаңындағы орталық субұрқақтың инсталляциялары мен фотоаймақтарын және шырша ойыншықтары бар фотоаймақты дайындау жоспарлануда.
Мерекеге орай Қазақстан мен С. Нұрмағамбетов көшелерінің қиылысы, Достық үйі (ММҮ), 19-шы шағын аудан, Комендантка өзені арнасының серуендеу аймағы, Комсомол аралы, Ушан алаңы, Арбат, Астана жағалауы, Назарбаев даңғылының бойы да безендіріледі.
Техникалық сипаттамаға сәйкес, қаланы жаңа жылдық мерекелерге безендіру жұмыстарын 30 қарашаға дейін аяқтау жоспарлануда.