Өскемен мен ШҚО Өскеменде пәтер тоналды, шығын – 10 млн теңге
Пәтерден зергерлік бұйымдар мен қомақты сомада ақша ұрланған
ШҚО полициясы күдіктіні қолға түсірді, деп хабарлайды Устинка LIVE тілшісі.
"102" арнасына Өскемен қаласының 34 жастағы тұрғыны хабарласып, үйіне біреудің кіріп кеткенін айтқан. Алғашқы алынған мәліметтер бойынша, күдікті дәліздегі пластикалық терезе арқылы кіріп, ақша мен зергерлік бұйымдарды ұрлап кеткен. Келтірілген шығын көлемі 10 миллион теңгеден асқан, - деп мәлімдеді ШҚО ПД.
Жедел іс-шаралар барысында полиция қызметкерлері қылмыс жасады деген күдікпен 33 жастағы ер адамды ұстады. "Ұрлық" бабымен сотқа дейінгі тергеу басталды, сондай-ақ оның басқа да осыған ұқсас эпизодтарға қатысы бар-жоғы анықталуда.
Ұрланған қаражат пен әшекейлер иесіне қайтарылды.
Шығыс Қазақстан облысының Полиция департаменті тұрғындарға қауіпсіздік шараларын күшейтуді – дабыл құрылғыларын (сигнализация) орнатуды, сенімді құлып қолдануды және терезелерге қорғаныс торларын қоюды ұсынады.