Өскемен мен ШҚО Бір тәулікте Өскемендегі травматология бөлімшесіне 160 адам жүгінген
Кеше тұрғындардан травматологиялық пункт жұмысына қатысты шағымдар көп түскен
ШҚО әкімінің орынбасары Жақсылық Омар бүгін Өскемен қаласының №4 қалалық ауруханасындағы жағдайды көріп қайтты, деп хабарлайды Устинка LIVE тілшісі.
Бір тәулік ішінде бөлімшеге 162 пациент жүгініп, күшейтілген режимде 4 кабинет жұмыс істеген.
Көктайғаққа байланысты травматологиялық бөлімшеде жұмыс көбейген. Жарақат алып түсіп жатқандардың көптігінен туындаған қолайсыз жағдайды түсініп, мәселені шешу үшін жұмыс істеп жатырмыз, - дейді Жақсылық Омар. - Денсаулық сақтау басқармасы мен бас дәрігерге қажет болған жағдайда қабылдау кабинеттерінің санын жедел көбейтуді және қарбалас уақытта қосымша мамандарды тартуды тапсырдым.
Облыс басшысының орынбасары пациенттерден аурухананың ішкі логистикасын жақсарту жөнінде ескерту алғанын және тиісті шаралар жасалатынын айтты.