Зайсан мен Катонқарағайдағы әуежай қашан ашылады?

Шығыс Қазақстан облысының әкімі Нұрымбет Сақтағанов атап өткендей, Зайсанда әуежай құрылысы 60%, ал Катонқарағайда 55% аяқталған, деп хабарлайды Устинка LIVE тілшісі.

Ұшып-қону жолақтары салынды, қазір перрон, аэровокзалдардың құрылысы жүргізіліп жатыр. Жыл соңына дейін бұл құрылыс жұмыстары аяқталады. Сонымен қатар, "ҚазАэроНавигация" қажетті жабдықты монтаждау жұмыстарын жүргізуде.

Келесі туристік маусымның басында әуежайлар алғашқы ұшақтарды қабылдайды деп ойлаймын, сәуір-мамыр айларынан бастап, – деді әкім.