Өскемен мен ШҚО ШҚО полициясы студенттердің құқықтық сауаттылығын арттыруда
Өскемен экономика және техника колледжінде "Заң және тәртіп" идеологемасы аясында "Заң және жастар" ашық алаңы ұйымдастырылды
Әкімшілік және қылмыстық құқықбұзушылықтардың салдары туралы түсіндірілді, деп хабарлайды Устинка LIVE тілшісі.
Кездесуге Шығыс Қазақстан облысының полиция департаменті Қоғамдық қауіпсіздік басқармасының аға инспекторы, полиция капитаны А. Төкенова қатысып, әкімшілік және қылмыстық құқықбұзушылықтардың салдары туралы жан-жақты түсіндіріп, кәмелетке толмағандар арасындағы құқықбұзушылық мәселелеріне ерекше назар аударды. Сондай-ақ нашақорлықтың алдын алу, "дроперлік" құбылысы, интернет-алаяқтық және басқа да заманауи қауіптер жайында ақпарат берді.
Студенттерге құқық қорғау органдарының жұмыс механизмі, заңсыз әрекеттер үшін жауапкершілік шаралары, интернет кеңістігінде қауіпсіздік ережелері туралы толыққанды түсіндірілді.