Өскемен әуежайы қашан сатылатын болды?

"Өскемен әуежайы" АҚ бұл ақпарат істің нақты жағдайына сәйкес келмейтінін мәлімдеді, деп хабарлайды Устинка LIVE тілшісі.

ҚР Үкіметі бекіткен 2021-2025 жылдарға жекешелендірудің Кешенді жоспарына сәйкес "Өскемен әуежайы" АҚ шынымен де екінші кезектегі жекешелендіру объектілерінің тізбесіне енгізілген, ал акцияларды сату бойынша сауда-саттықты өткізу бастапқыда 2025 жылғы қарашаға жоспарланған болатын. Қазіргі уақытта Қоғамның 100% акциясы әуежайдың жалғыз акционері болып табылатын "Ертіс" Әлеуметтік-кәсіпкерлік корпорациясы" АҚ меншігінде, - деп түсіндіреді "Өскемен әуежайы" АҚ баспасөз қызметі. - Ұлттық экономика министрлігінің хатымен жекешелендіру сауда-саттығын өткізу мерзімі ресми түрде 2028 жылға дейін ұзартылғанын қосымша хабарлаймыз. Тиісінше, 2025 жылы сауда-саттық өткізу жоспарланбаған. 

"Өскемен әуежайы" АҚ акцияларының құнын тәуелсіз бағалау бойынша шаралар 2024 жылғы желтоқсанда іс жүзінде аяқталған және ағымдағы сәтте бағалау бойынша қосымша рәсімдер жүргізіліп жатқан жоқ.

Осылайша, әуежайдың "қазіргі уақытта сауда-саттыққа шығарылуы жоспарланып отыр" деген ақпарат орынсыз және жекешелендіру процесінің нақты мәртебесін көрсетпейді.

"Өскемен әуежайы" АҚ өз қызметін штаттық режимде жүзеге асыруды жалғастыруда.