Өскемен мен ШҚО ШҚО-дағы кейбір жолаушылар пойыздары қысқы кестеге ауысты
1 қарашадан бастап "Өскемен-1-Алтай" бағытындағы жолаушылар пойызы жаңа кесте бойынша қатынауда
ҚТЖ баспасөз қызметінің ақпараты бойынша, енді № 641/642 пойыз Өскемен-1 станциясынан сәрсенбі, жұма және сенбі күндері сағат 23.15-те жүреді, деп хабарлайды Устинка LIVE тілшісі.
Ал бейсенбі, сенбі және жексенбі күндері сағат 15.00-де кері қайтады.
Бұл бағыттағы пойызбен жергілікті саяжай иелері, Өскемен тұрғындары, жақын маңдағы ауылдар мен Алтай ауданы тұрғындары жиі қатынайды.
Өскемен-1 станциясы вокзалының басшысы Елена Ларионова атап өткендей, Өскемен-1-Риддер бағытындағы пойыз жолаушыларды бұрынғы кесте бойынша тасымалдайды. Яғни, Өскеменнен сәрсенбі, жұма, сенбі және жексенбі күндері сағат 17.10-да шығады. Билет бағасы да бұрынғыша.
Сондай-ақ 1 қарашадан бастап Локоть – Риддер халықаралық бағытындағы пойыз да жаңа кестеге ауысты. Енді ол сирек жүреді – сегіз күнде бір қатынайды. Риддерге 11, 19, 27 қараша мен 5, 13, 21, 29 желтоқсанда келеді. Ал Локоть бағытында 12, 20, 28 қараша мен 6, 14, 22, 30 желтоқсан күндері бет алады.