Өскемен мен ШҚО ШҚО-да мал ұрлығымен айналысқандар құрықталды
Глубокое ауданы мен Риддер қаласының аумағындағы мал ұрлығына қатысы бар екі адам ұсталды
Бүгін өңірде "Бекет" профилактикалық іс-шарасы басталды, деп хабарлайды Устинка LIVE тілшісі Polisia.kz сайтына сілтеме жасап.
3 қыркүйектен бастап Шығыс Қазақстан облысы аумағында мал ұрлығын ашу және оның алдын алу, сондай-ақ мал мен ет өнімдерін заңсыз тасымалдау мен сатуға жол бермеу мақсатында "Бекет" профилактикалық іс-шарасы өтіп жатыр. Іс-шара барысында полиция қызметкерлері Глубокое ауданы мен Риддер қаласының аумағында мал ұрлығымен айналысқан топты ұстады. Төрт ұрлық дерегіне қатысы бар екі ер адам ұсталып, келтірілген шығынның жалпы сомасы 1 миллион теңгеден асты, - делінген ақпаратта. - Бұдан бөлек, шара аясында 50-ден астам құқық бұзушылық анықталды.
Полицейлер қызметкерлері бақылаусыз мал жайылуын тексеруді күшейтіп, автокөліктерге, базарларға және сауда нысандарына тұрақты тексеру жұмыстарын жүргізуде. Өнімнің заңды ветеринариялық құжаттарының дұрыстығын қадағалап жатыр.