Өскемен мен ШҚО ШҚО-да алғаш рет "Жас мерген" телетурнирі өтіп жатыр
Мектеп оқушылары арасында дәстүрлі садақ атудан облыстық телетурнир басталды
Жарысқа 9-10-шы сыныпта оқитын 80-нен астам оқушы қатысып жатыр, деп хабарлайды Устинка LIVE тілшісі.
Мергендер жарысының ашылу салтанатына аймақ басшысы Нұрымбет Сақтағанов қатысты.
Садақ ату – халқымыздың ежелден келе жатқан ұлттық мұрасы, батырлық пен мергендіктің нышаны. Бұл спорт түрі жас ұрпақтың рухын көтеріп, ерік-жігерін шыңдап, тереңде жатқан тарихымызға үңілдіре түседі. Барша қатысушыларға сәттілік тілеймін! Жебелеріңіз нысанаға дөп тие берсін! - деді облыс әкімі.
Облыстық "ALTAI" телеарнасы мен "Керемет садақ ату" орталығы бірлесіп ұйымдастырған телетурнирге ШҚО әкімдігі қолдау көрсетті. Жартылай финал мен финалда олар жамбы ату бойынша сынға түседі.