Өскемен мен ШҚО Биыл ШҚО-да 115,5 мың түп ағаш отырғызылуы керек
Өскеменде "Таза Қазақстан" бағдарламасы аясында 100-ге жуық шырша мен терек егілді
Облыс орталығындағы Амфитеатр аумағын абаттандыруға ШҚО әкімі Нұрымбет Сақтағанов тікелей атсалысты, деп хабарлайды Устинка LIVE тілшісі.
Бұл бағдарламаның мақсаты - қоршаған ортаны таза ұстау ғана емес, халықты еңбекқорлыққа, экологиялық мәдениеттілікке баулу. Барша өңір жұртшылығын белсенді қатысып, өскелең ұрпақтың алдында еңбек пен тазалықтың мәртебесін көтеруге шақырамын, - деді аймақ басшысы.
Айта кетейік, облыс бойынша осы жылдың басынан бері "Таза Қазақстан" бағдарламасы шеңберіндегі шараларға 46,3 мыңнан астам адам қатысып, 231 техника жұмылдырылған. Соның нәтижесінде 3 509 тоннаға жуық қоқыс шығарылып, 2 208 аула тазартылды.
2025 жылға арналған көшет отырғызу жоспары - 115,5 мың ағашты құрайды. Бүгінгі күнге дейін жоспардың 66 пайызы орындалып, 75,6 мыңнан астам көшет егілген.
