ШҚО көпсалалы онкология орталығында әйелдерге арналған ашық есік күні өтеді

Облыста сүт безі қатерлі ісігі туралы ақпарат таратып, әйелдерді ерте диагностика мен профилактикаға шақыру мақсатында "Қызғылт қазан" айлығы жүріп жатыр, деп хабарлайды Устинка LIVE тілшісі.

ШҚО көпсалалы онкология және хирургия орталығының мәлімдеуінше, 2025 жылдың 9 айында өңірде 224 жаңа жағдай тіркелді, олардың басым бөлігі скрининг кезінде анықталған.

Осы мақсатта 18 қазанда ШҚО көпсалалы онкология және хирургия орталығында және емханаларда ашық есік күні өтеді. Әйелдер маммолог қабылдауынан тегін өтіп, маммография жасата алады.