Астанада шығыстың ауылшаруашылық жәрмеңкесі өтеді

Жәрмеңке осы демалыс күндері ұйымдастырылмақ, деп хабарлайды Устинка LIVE тілшісі.

Жәрмеңке 11–12 қазан күндері Астана қаласында Шығыс Қазақстан облысы әкімдігінің қолдауымен өтеді.

Жәрмеңкеге өңірдің 12 ауданынан келген шаруа қожалықтары мен 20-дан астам кәсіпорын қатысып, сапалы әрі экологиялық таза өнімдерін ұсынады. Келушілерге ет, сүт өнімдері, бал, көкөніс және басқа да тағам түрлері нарықтағыдан 10–20% төмен бағамен ұсынылады, - деп хабарлады ШҚО әкімдігі.

10 қазан күні Шығыс Қазақстаннан 200 тоннадан астам ауыл шаруашылығы өнімі елордаға арнайы керуенмен жеткізіледі.

Жәрмеңке Қарқаралы тас жолы, 1 мекенжайында өтеді.