ШҚО-дағы құсбегілер сайысына эстрада жұлдыздары келеді

Ұлттық рух пен дәстүрдің айшықты мерекесі 8–11 қазан аралығында өтеді, деп хабарлайды Устинка LIVE тілшісі.

Бозанбай ауылындағы Бүркіттөбе алаңына 5 шет мемлекеттің құсбегілері және 10 мыңға дейін көрермен мен турист жиналады деп күтіледі. 2020 жылдан бері тұрақты өткізіліп келе жатқан бұл фестиваль бүгінде мәдениет пен спортты, өнер мен салт-дәстүрді тоғыстырған үлкен алаңға айналды.

"Шығыс Салбұрыны -2025" халықаралық фестивалінің бағдарламасы:

• 8-9 қазан - қатысушылар тіркеу, мандаттық комиссия жұмысы мен жеребе тарту рәсімдері
• 10 қазан - салтанатты ашылу 
• 11 қазан - сайыстың шешуші кезеңдері, мүшәйра бәйгесі, жеңімпаздарды марапаттау рәсімі және салтанатты гала-концерт

Гала-концертте қазақ эстрадасының жаркын жұлдыздары - Досымжан Таңатаров, "Алатау серілері" тобы және Кенжебек Жанәбілов өнер көрсетеді.