Өскемен мен ШҚО Шығыстың мерген қыздары республикалық жарыста топ жарды
Алматы облысында "Ақ бидай" VIII республикалық ауыл спорты ойындары өтті
Төрт жылда бір болатын додаға еліміздің барлық өңірінен 2,5 мыңға жуық спортшы қатысып, олимпиадалық, ұлттық спорт түрлерінен бақ сынады, деп хабарлайды Устинка LIVE тілшісі.
Ауыл спорт ойындарында ШҚО құрамасы дәстүрлі садақ атудан тамаша нәтиже көрсетті: әйелдер командасы 1-орын алса, ерлер командасы 4-орынға ие болды.
Жекелей сында топ жарған мергендеріміз:
- Гүлжан Мұратханова – 1-орын, Орта Азия нысанасы
- Аяш Кабдоллаева – 1-орын, Жамбы нысанасы
- Серік Әбілмәжінов – 3-орын, Пута нысанасы
Ұйымдастырушылардың айтуынша, "Ақ бидай" турнирінің басты мақсаты – ауыл жастары арасынан үздіктерді іріктеп, олардың кәсіби спортқа жол табуына ықпал ету. Қатысушылар бәйге, құсбегілік, волейбол сынды 20 спорт түрінен өнер көрсетті. Қатысушылар спорт шебері немесе спорт шеберіне үміткер болмауы шарт.